Ég óska ykkur lesendur góðir, gleðilegt árið og þakka liðið.

Jólin búin, ég átti alveg fínustu jól en ég er voða fegin að þau eru búin. Þetta voru óvenju erfið jól, erfitt að fara í heimsóknir, erfitt að fara í föt, erfitt að borða svona mikið. Mjög skrýtin tilfinning þegar ALLT er orðið svona erfitt, án þess að þetta "erfitt" sé lýsing á einhverjri dramatík eða átökum, heldur bumban bara orðin svo stór að það er allt erfitt, meira að segja að ´klæða sig í buxur. Ég þakka fyrir jólakort, jólagjafir og kveðjur.

Já bumban er ennþá föst á mér og ekkert barn mætt á svæðið. Ég var reyndar upphaflega skráð 11.janúar,þannig að ég verð nú að halda ró minni í nokkra daga í viðbót. Þann 18.janúar verð ég gengin 2 vikur fram yfir og þá verður e-ð reynt að ýta hressilega við gangi mála. Annars er þetta hálfgert lottó þessa dagana, þar sem mjög margir sem ég þekki og tengist eiga afmæli núna þessa dagana og slegist er um að fá barnið í afmælisgjöf Einar á einmitt afmæli 12. janúar en ég hefði nú helst viljað koma með það fyrr En heilsan hjá mér og barninu er mjög góð, en ég er ansi þreytt í skrokknum og geðheilsan mjög misgóð eftir dögum og klukkutímum!

En það er lítið annað í stöðunni en að bíða róleg bara og halda áfram að safna orku og reyna að hugsa um húsið og fjölskylduna.

Okkur einari vantar slatta af símanúmerum,erum bæði búin að vera í farsíma vandræðum undanfarið, þeir að bila og deyja og þar með að týna númerum. Þannig að ef þið viljið fá sms- þegar barnið fæðist þá endilega sendið mér sms til öryggis, til að vera viss um ég sé með númerin ykkar, þeir sem ég hef verið í sms eða símasambandi við eftir jól og áramót eru öruggir. En annars segi ég bara endilega sendið mér góða strauma og gangi ykkur vel að koma ykkur í gang aftur eftir hátíðarnar.

Góðan daginn góðir lesendur

Ný færsla rituð óvenju snemma dags Var vöknuð fyrir allar aldir út af engu, eða svona þannig, engu sem angraði mig allavegana! Barnið í bumbunni farið að láta mömmu sína vakna þegar því hentar og stundum oft á næturnar. Verið að æfa brjóstagjafaferlið grunar mig

Fjölskyldan er nú búin að búa í Mið-Samtúni í nokkrar vikur og við erum að aðlagast því að vera hluti af stærra fjölskyldumynstri. Það gengur vel, en er að sjálfsögðu enginn dans á rósum, sérstaklega þar sem skapið í mér er ansi stormasamt þessa dagana,við skulum kalla það hormónasveiflur

Síðasta vika fór öll í veikindi hjá okkur þremur, eins og það sé tími í e-ð svoleiðis, en það þýðir ekkert að spyrja að þvi. En við vorum búin að ná að skríða öll sæmilega saman um helgina og gátum því mætt í afmælisveisluna hennar Jóhönnu Margrétar, sem afi og amma héldu í Oddeyrargötunni fyrir hana. Ég treysti mér alls ekki í svoleiðis bras í mínu ástandi og þau voru svo elskulega að bjóða fram sína aðstöðu og aðstoð!

Við foreldrarnir fórum í það saman að baka fyrstu afmælisköku prinsessunnar og hún átti sko að verða flottasta kaka í öllum heiminum. Laugardagskvöldið var tekið frá með Einar í fararborddi þar sem hann er klárari í súkkulaði kökum en ég Við skelltum í 2 hringlaga form, ætluðum síðan að föndra úr þessu kanínuköku.  Síðan þegar við tókum kökurnar úr formunum,voða ánægð með afraksturinn þá kom í ljós að önnur var hrá í miðjunni og hin var brunninn úbs,það var lítið annað hægt að gera en að búa til aðra. Kakan hafðist í annarri tilraun og meira segja ljómandi vel. Hún smakkaðist líka alveg prýðilega. Hægt að sjá mynd úr afmælinu á www.jme.barnaland.is Veislan var mjög fín og jóhanna margrét skartaði sínu fegursta í prinsessukjólnum sínum.

En annars er það bara jólaundirbúningur, sem frestaðist um viku sökum veikinda, og önnur almenn störf sem eru framundan. Heilsan hjá mér er fín, og bumbubúinn bara hress. Er reyndar orðin ansi þreytt og bumban orðin verulegu stór. Rúmar 2 vikur í settan dag, ekki laust við að maður sé orðin svolítið spenntur að fá krílið í hendurnar

Segi það gott í bili, farið ykkur hægt í umferðinni og reynið að láta jólastressið ekki ná ykkur. Muniði, þetta reddast allt saman

Með jólakveðju úr samtúni, Inga Björk

Löngu komin tími á blogg. Hef nokkrum sinnum sest niður og reynt að blogga en það hefur bara ekkert komið í hausinn á mér sem mig langar til að skrifa um.

En nú eru fréttir þannig að eins gott að gera e-ð af viti.

- Við fjölskyldan erum flutt inn til foreldra hans Einars í Mið-Samtúni. Við erum með stórt herbergi þar, næstum jafn stórt og íbúðin okkar í laxagötunni. Við erum bara að flytja þessa dagana, eigum að skila íbúðinni 1.desember. Byrjum bara a því að taka allt það sem við ætlum að hafa hér og svo verður afgangnum pakkað og komið í geymslu. Ég segi ekki að það hafi verið auðveld ákvörðun að gera þetta svona með bráðum 2 lítil kríli. En stundum verður maður að færa fórnir til að ná markmiðum sínum.  Markmiðið í dag er að komast inn í húsið okkur næsta vor. En það verður bara að endurskoðast eftir hvern áfanga. Þó svo ég reyni að koma að þessu máli eins mikið og ég get þá kann ég ekkert að smíða og hef ekki verkvit á slíkum málum fyrir fimmaura þannig að það er best að spyrja Einar að svoleiðis löguðu. Hann bloggaði e-ð um gang mála hjá sér um daginn á www.blog.central.is/sveitaspjall

- Fyrir þá sem hafa haft heimanúmerið okkar, pottþétt allir löngu hættir að reyna að hringja í það, skiljanlega þar sem við erum aldrei þar, þá læt ég loka því núna. Númerið í samtúni er 463-3307 og svo náttúrulega gsm númerið mitt og Einars.

-Ég er hætt að vinna, hætti því í byrjun síðustu viku. Var orðin ansi þreytt og frekar slæm í grindinni. Er að reyna að hægja aðeins á mér. Að öðru leyti gengur meðgangan vel fyrir sig og sex vikur í settan dag. Ég reyndar skil ekki alveg hvernig ég á koma meiru fyrir í bumbuna, hún er orðin svo stór að það er ekkert venjulegt. Ég bara skil ekki hvað ég fæ alltaf stóra bumbu

- Þeir  sem hafa áhuga, jibbí, og tök á mega endilega aðstoða við flutninga, þó það væri ekki nema pínkupons

Annars segi ég þetta bara gott í bili...knús á ykkur öll

kveðja Inga Björk

Það er langt síðan einhver skemmtilegur leikur hefur komið hérna inn á bloggið mitt, þannig að ég ætla bara að vera með í leiknum. Ásta vinkona klukkaði mig og ég á að koma með 8 staðreyndir um mig...

-Númer eitt og tvö mun að sjálfsögðu fjalla um blessuð börnin mín. Ég á eina dóttir sem er 9 mánaða og annað barn á leiðinni!

- Litla fjölskyldan mín mun stækka úr 2 í 4 á rúmlega einu ári!

- Ég á frábæra stór fjölskyldu og tengdafjölskyldu og vini sem eru að hjálpa okkur mjög mikið þessa dagana í öllu því sem gengur á hjá okkur.

- Ég er að gera upp gamalt hús út í sveit (alein, hahaha)

- Ég elska ís(sérstaklega brynjuís með heitri súkkulaðisósu)

- ég elska að ferðast!

- Ég hef ekki dottið í það mjögggg lengi;

- Ég elska Greys Anatomy sjónvarpsþættina, svo mikið að það jaðrar við fíkn!

Jæja þá er ég búin að fræða ykkur um nokkra staðreyndir um sjálfa mig. Ég ætla að klukka Mömmu, Söndru, Sólveigu, Láru, Pétur Guð, Lilju, humm verð að láta þetta duga í bili dettur ekki fleiri í hug.

Kveðja Inga Björk

Það er búið að vera rukka mig um fréttir af okkur fjölskyldunni og ég er búin að lofa að gera það á morgun í ansi marga daga. Sorrý Sandra mín, loksins kemur það

- Af mér er það helst að frétta að ég er bara ansi hress þrátt fyrir að þreytan segi ansi mikið til sín á köflum en ég get ekki kvartað. Ég er 2x í viku í sundleikfimi fyrir barnshafandi konur og það er ákaflega hressandi. Bumban stækkar gríðarlega þessa dagana og það fer ekki framhjá neinum lengur að ég það leynist e-ð annað í bumbunni en súkkulaði Ég fékk nú bara síðast komment í gær frá einum bílstjóra hjá SBA - Norðurleið sem leit á mig og spurði hvort ég væri komin aftur á stað

Fyrir þá sem ekki vita þá er ég gengin rúmar 24 vikur sem þýðir að það eru ca 16 vikur eftir! Ég veit ekki hvort ég var búin að ljóstra því upp einhversstaðar hér á blogginu en við ákváðum að fá að vita kynið í sónarnum um daginn og þetta er líklegast stelpa. Það sást enginn typpalingur en það ber alltaf að taka svoleiðis með smá fyrirvara. Svo bara fyrir ykkur sem eruð dugleg í barnafatabúðum, ekki missa ykkur í bleikt strax

-Jóhanna Margrét er oftast þrælspræk, fékk smá hita og eyrnabólgu í síðustu viku en er orðin eldhress af því núna. Hún varð 9 mánaða á sunnudaginn og er farin að standa upp við allt. Það verður að festa á hana viðeigandi öryggisbúnað sem eru stjörnusokkar í þessu tilfelli. Hún er algjör tætibuska og er rosalega dugleg að ná í allt mögulegt sem hún má ekki ná í. Annars er hún bara söm við sig. Ofsalega lífsglöð og brosmild og mikil félagsvera. Henni finnst ekkert mál að vera í pössun hjá nánustu vinum og ættingjum og veifar bara í mig þegar ég skil hana eftir hjá Möggu langömmu sinni á morgnana. Ekki málið, þar fær hún líka meðferð eins og hver önnur prinsessa Hún er mjög dugleg að borða og er farin að kjammsa á cheerioshringjum eins og hún fái borgað fyrir það með tönnunum sínum átta!

Jæja ég ætla að láta þetta duga í bili, kem með framhald við fyrsta tækifæri.

...á skemmtiferðaskipasumrinum. Hér í vinnunni hjá mér eru margir stærstu dagarnir tengdir komu skemmtiferðaskipa í Akureyrarhöfn. Það á sérstaklega við stærri skipin sem innihalda1500+ferðamenn.Við erum orðnar svo vanar þessum stóru að við finnum varla fyrir komu skipa með 1000 farþega eða færri... Í gær kom síðasta skemmtiferðaskipið á þessu tímabili. Það heitir Grand Princess og inniheldur of marga Ameríkana Ekki misskilja mig, mér líkar almennt  nokkuð vel við Ameríska ferðamenn en ef þeir eru of margir samankomnir þá er það bara of mikið fyrir mig! Á þessu skipi voru hátt í 3000 ferðamenn og þegar ég kom í vinnunna rétt fyrir 8 í gærmorgun var löng röð fyrir utan og sá fyrsti sem ég hitti þegar ég opnaði sagði við mig: "You are gonna wish you had'nt come to work this morning!" Og hann hafði svo sannarlega rétt fyrir sér! Dagurinn var ömurlegur vægast sagt, allir með vesen, leigja bíl og fá upplýsingar um Reykjavík(eru þar í dag) o.s.frv. Við erum líka orðnar ansi þreyttir eftir ferðamannatímabilið og þolinmæðin ekki sú sama og áður Komum engan vegin ferskar inn í þetta.

En semsagt, rólegheit framundan hjá mér í vinnunni

Hvernig stendur á því að sumir kunna bara ekki að tala í símann? Mér finnst til dæmis alveg sérstaklega óþolandi þegar fólk hringir hérna í vinnuna til mín með fyrirspurn og ég svara því eftir bestu getu og svo er bara skellt á án þess að segja takk eða bless? Ég meina heldur fólk að ég sé sjálfvirkur símsvari eða hvað? Það hringdi til dæmis gömul kerlingarbey... hingað áðan sem gerði nákvæmlega þetta.  Ég var ekki dónaleg og hún var ekki fúl en samt skellti hún bara á þegar ég var búin að svara spurningum...Svo kunna sumir ekki að segja Góðan daginn, eða kynna sig með nafni....Ég skora á ykkur lesendur góðir að pæla í þessu í daglegu lífi. Já og stundum er nú fólk í vinnunni engu skárra, þetta á sérstaklega við opinber batterí, stundum finnst manni eins og maður þurfi að afsaka sig fyrir að vera ónáða fólk í vinnunni!

Þegar ég vann hjá sýslumanninum í borgarnesi þá buðu sýslumannsembættin upp á námskeið sem hét "lærið að svara í símann" mjög gott fordæmi. þar á ferðinni..Það ætti kannski að halda námskeið fyrir almenning sem heitir "lærið að tala í símann"....

En þetta var bögg dagsins...

Ágúst mánuður er senn á enda og hafa síðustu dagar mánaðarins flogið frá mér. Allar stelpurnar sem voru að vinna á upplýsingamiðstöðinni í sumar eru byrjaðar í skóla og ég Cosima sitjum einar eftir.´Ferðamannatímabilið stendur ennþá tiltölulega hátt þannig að það er mikil vinna fyrir okkur tvær næstu daga. Ég vona að ég hafi orku í að klára þetta. Ég er reyndar tiltölulega hress þessa dagana þannig að ég held að þetta reddist alveg. Ég er að vinna núna um helgina og alla næstu daga en vonandi getum við e-ð skipt deginum á milli okkar.

Það eru göngur og réttir í Glæsibæjarhrepp hinum forna laugardaginn 8.september,semsagt þarnæsta laugardag. Erla frænka er svo að koma frá Osló í heimsókn með kærastanum sínum þann 28.september. Planið er að fara suður þá helgi til að heimsækja vini og ættingja og taka Erlu og Christian með í leiðinni norður....

Síðasta helgi var mjög viðburðarrík og spennandi. Á föstudeginum fórum við á handverkshátíðina á hrafnagili áður en við brunuðum á dalvíkina. Þetta var í fyrsta skipti sem við einar fórum og ég varð ekki fyrir vonbrigðum. Ég var alveg sjúk mig langaði svo að kaupa margt þarna. ÉG fer aftur þegar ég hús til að kaupa flotta hluti í

Við gistum síðan í fellihýsinu hjá möggu og friðrik í garðinum hennar um helgina. Við röltum á milli húsa í fiskisúpu á föskvöldið. Það var alveg frábær stemmning og ekkert smá margir á röltinu. Við áttum svo mjög skemmtilegan laugardag.

Jæja,helgin tók mjög á erfitt að vera svona í útilegu og náðum við að næla okkur í kvefpest ogég var alveg handónýt heima í rúminu mið,fim og fös. Ég er öll að hressast í dag. Jóhanna og einar voru líka hundslöpp, en samt ekki alveg jafn slæm og ég. Aumingja jóhanna margrét er full af kvefi og að taka fleiri tennur. Hún er komin núna með 5 tennur. 2 uppi og 3 niðri og það eru að riðjast niður 2 í viðbót í efri gómi. Þessi elska ætlar ekki að dunda við þetta.

Jóhanna Margrét er orðin 8 mánaða og tveimur dögum betur og ég er gengin ca 20 vikur núna þannig að meðgangan er ca hálfnuð! Þetta er ótrúlega fljótt að líða.

Við erum búin að gista út í samtúni síðan á þriðjudagskvöld. Við erum bara 3 í kotinu. Hinir eru í reykjavík og útlöndum...

Jæja elskurnar, hafi það gott..kv inga hornös...

Halló allir saman!

Ég er farin að telja niður í fiskidaginn mikla sem er á laugardaginn næsta. Við ætlum að gista í fellihýsinu hennar möggu láru í garðinum hennar!

Hverjir ætla að mæta? Langar að hitta sem flesta.

to be continued, ein stutt færsla svona á milli hlaupa í vinnunni...

Jæja hvað segiði? Ætlar enginn að mæta eða er kannski enginn að lesa??

Já við Einar höfum svo sem hvorugt verið þekkt fyrir að gera einn hlut í einu, hvort sem það hefur verið talið góður eða slæmur eiginleiki hefur oftast farið eftir viðfangsefnunum hverju sinni. Í þetta sinn eru það barneignir!

Við erum búin að leggja í annan bumbubúa og hefur hann boðað komu sína uppúr miðjum janúar Ég held að það séu flestir í mínu nánasta umhverfi búnir að fá veður af komu gríslings nr 2 en fyrir þá sem hafa ekki frétt það, þá eru þið greinilega ekki nógu góð að hlusta eftir slúðri

Þannig að nú hefur húsasmíði verið flýtt all verulega því einhversstaðar þarf að koma öllum þessum börnum fyrir  En annars heilsast móður og bumbubúa bara vel að öllu öðru leyti en að mamman er ofsalega þreytt alltaf, enda að vinna fulla vinnu með þessu öllu saman. Pabbinn er í fæðingarorlofi ásamt því að hugsa um sveitina og sveittur við að gera upp gamla húsið í samtúni. Ég skil stundum ekki alveg hvernig hann fer að þessu, en hann fær mjög góða hjálp hjá mömmu sinni með Jóhönnu Margréti.

Litla prinsessan hún Jóhanna Margrét blómstrar í þessu öllu saman og heldur sínu striki. Hún er komin á fullt að skríða út um allt og ég kom að henni í morgun og þá stóð hún við rimlana í rimlarúminu sínu alveg sjálf! Hún er aðeins að flýta sér of mikið að verða stór finnst mér stundum. En hún er orðin 7 1/2 mánaða og alltaf að koma með eitthvað nýtt sem hún getur. 

Jæja, sem sagt mikið að gera hjá óðum stækkandi fjölskyldunni minni.

Kveðja Inga og allir hinir! 

Jæja lesendur góðir, það er orðið svolítið langt síðan ég lét heyra frá mér...Það er allt gott að frétta af okkur fjölskyldunni. Mamma kom til að passa Jóhönnu Margréti á miðvikudaginn og var hérna fram á sunnudag. Ég tók mér frí eftir hádegi á fimmtudag og við skruppum í jarðböðin. Baldvin og Sunna komu norður um helgina og voru að brasa með okkur og við fengum Baldvin í smá hugmyndasmíði í húsinu og vorum að panta hann í vinnu eftir versló...en þetta var bara smá fréttainnskot.

Hvað er samt málið með nýjasta æðið í dag? Kolefnisjöfnun. Ég skil út á hvað hugtakið gengur en hef svo sem ekki kynnt mér það sérstaklega. En mér finnst þetta svona aðeins hljóma eins og að kaupa sér syndaaflausn hjá kaþólsku kirkjunni hérna back in the days! Auðvitað er gott mál að reyna gera sem best fyrir umhverfið en ég held að þetta sé ekki nóg, kannski pínulítill hluti af því fyrir þá sem hafa áhuga. Hvet alla til að hugleiða hvað þeir geta gert fyrir umhverfið, ekki bara hvað er einfaldast fyrir einstaklinginn!

Takk fyrir allar afmæliskveðjurnar ,elskurnar mínar. Við héldum smá afmælisveislu í samtúni á laugardagskvöldið og holu grilluðum læri og gistum í fellihýsi út í garði BAra svona eins og í gamla daga þegar maður fékk að tjalda út í garði með vinkonum sínum svaka stuð! ágætt að æfa jóhönnu margréti í útilegum sem fyrst...

Ég fékk fullt af flottum afmælisgjöfum, hélt að svona "gamalt" fólk væri hætt að fá svona margar afmælisgjafir. Einar gaf mér ipod shuffle, sem er pínulítill mp3 spilar, sennilega vita flestir hvað það er þó ég sé voðalega lítið að fylgjast með nýjustu tísku þessa dagana. ÉG man nú þegar ég átti "risastóran" walkman kassettu tæki og hlustaði á 2unlimited á meðan ég var að bera út dagskránna hérna í denn. Það var nú toppurinn. Núna þarf ég að passa að týna ekki þessu litla tæki, því það er minna en snuddan hennar jóhönnu margrétar og það komast 240 lög á hann.   http://store.apple.com/1-800-MY-APPLE/WebObjects/AppleStore?family=iPodshuffle   minn er appelsínugulur.

í næstu viku fer ég að vinna allan daginn, hálfátta til 16. Það verða viðbrigði en það er búið að vera fínt að hafa smá aðlögunartíma. Þau hafa það mjög gott saman á morgnana þau feðgin, reyndar er pabbinn ansi þreyttur þar sem hann er oft að vinna í sveitinni langt fram undir nótt, en svona er þetta, nóg að gera á sumrin hjá okkar fjölskyldu...

ciao

Jæja, það bætast reglulega nýjir bloggvinir í hópinn. Mamma skrapp í enskuskóla til York og er að blogga. Einar er líka byrjaður að blogga um lífið í sveitinni,hvet ykkur endilega til að kíkja í "heimsókn" til þeirra!

Annars bara gott að frétta og það er gaman að vera byrjuð að vinna, nóg að gera!¨

www.blog.central.is/vallaj og

www.blog.central.is/sveitaspjall